Karga-manifestuaren karga-zerrendatik zerbitzua

Karga-zerrendetako informaziotik abiatuta, e-puertobilbaok aukera ematen du bidalketa-datuak modu dinamikoan txertatzeko karga-manifestua sortzeko.

Ontzi-kontsignatarioa, garraio-kudeatzailea, aduana-agentea, terminala, zamaketa-enpresa, Bilboko Aduana, Bilboko Portuko Agintaritza.

Zerbitzu honen bidez, e-puertobilbao-k zerbitzu berri bat jartzen du bere erabiltzaile-komunitatearen eskura. Zerbitzu horri esker, beren karga-zerrendak zaintza fiskalera eta/edo zamaketa-terminalera bidaltzeko gure plataforma erabiltzen duten kontsignatarioek beren itsas karga-manifestuak prestatzeko abiapuntu gisara erabil dezakete informazio hori.

Esportazio-eragiketetan merkantzia-deklarazioaren administrazio-izapideak (itsas karga-manifestua) erraztea du helburu zerbitzuak, esportaziorako karga-zerrenden aduanetako kontrasteko informazioa oinarri harturik.

Enpresa kontsignatarioentzat da, berez, zerbitzu hori, zeinak aukera ematen baitu, esportaziorako karga-zerrendak aduanatik datozen bidalketa-jakinarazpenekin gurutzatu ondoren, informazio egiaztatu hori itsas karga-manifestu bat proposatzeko erabiltzeko. Erabiltzaileak, gero, osatu beharko du manifestua, behar diren datuak gehituz.

Halaber, zenbait informazio beste agente batzuetara bideratzen du: izapideekin zeharkako lotura duten Fakturazio Sailera eta aduana-agenteetara, informazioa portuko kate logistikoko beste prozesu eta eragileetara iristea errazteko.

Haren abantailak leihatila telematiko bakarrak eskaintzen dituenak dira. Leihatila bakarraren bidez, paperak aurkeztu beharrean posta elektroniko bidez bidal daiteke informazioa e-puertobilbao plataformara.

Paperezko euskarririk behar ez izateak arindu egiten du informazioaren kudeaketa, eta berrerabili egiten da sisteman dagoen informazioa.

Informazioaren berrerabilerak aukera ematen du sisteman dagoen informazioa (bidalketa-jakinarazpenak eta karga-zerrendak) abiapuntutzat erabiltzeko itsas karga-manifestuak izapidetzean. Hartara, aprobetxatu egiten da informazio hori, eta gutxitu egiten dira eragiketan esku hartzen duten eragile guztien arteko informazio-transmisio errepikakorren ondorioz gertatzen diren erroreak.